Kuvendi e miratoi llogarinë përfundimtare të Buxhetit për vitin 2016

Me 92 vota pro, asnjë kundër dhe asnjë abstenim, Kuvendi i Maqednisë arriti të votojë mbrëmë llogarinë përfundimtare të Buxhetit për vitin 2016.

Votimi erdhi pasi VMRO-DPMNE-ja opozitare gjatë ditës mundohej ta bllokonte edhe këtë pikë të rendit të ditës. Fjalimet procedurale, pauzat, replikat dhe kundër-replikat midis deputetëve të opozitës ishin në qendër të vëmendjes.

Deputetët e VMRO-DPMNE-së mbronin qëndrimin se buxheti në kohën e tyre ishte realizuar në mënyrë të duhur pavarësisht krizës politike. Ata madje i rekomandonin Qeverisë së re t’i përfundojë projektet  e Qeverisë së mëparshme dhe të ndjek hapat e saj në zhvillimin e vendit.

Pas buxhetit përmbyllës të 2016-ës deputetët votuan edhe sekretaren e re të përgjithshme të Kuvendit.  Kuvendi ka shkarkaur Sekretarin e Përgjithshëm të Kuvendit, Zharko Denkovski, dhe në vend të tij ka caktuar Cvetanka Ivanova, ish-deputete nga LSDM-ja.

Ivanova do të ketë rol në organizimin e punës së shërbimeve të Kuvendit dhe do të ndihmojë kryetarin e Parlamentit, Talat Xhaferi në përgatitjen dhe organizimin e seancave.

Ivanova është e diplomuar si juriste si dhe ish-koordinatore e Grupit parlamentar të LSDM-së në Parlament.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP