“Posta e Maqedonisë” furnizoi automjete të reja
“Posta e Maqedonisë” sot u furnizua me 24 automjete pikap dhe furgonë me bartje prej 2.5 tonëve për nevojat e kompanisë.
“Ky investim është i rëndësishëm për përmirësimin e procesit teknologjik në ‘Postën e Maqedonisë’ dhe paraqet rritje e konsiderueshme e kapaciteteve të kompanisë. Me këtë furnizim do të përmirësohet cilësia e shërbimeve postare, përmes lehtësimit direkt të fazës së transportit të dërgesave. Përveç përmirësimit të shërbimeve, investimi do të ketë efekt edhe mbi përmirësimin e kushteve të punës gjatë fazës së transportit”, thuhet në kumtesë.
Nga “Posta e Maqedonisë” theksojnë se udhëheqësia mbetet e përkushtuar në përmirësimin e vazhdueshëm të shërbimeve të saj në interes të qytetarëve.
