Specialja ngrit 17 akuza për 18 lëndë, kërkohet paraburgimi i funksionarëve të lartë VMRO-DPMNE-së (VIDEO)
Prokurorja speciale, Katica Janeva, në konferencë për shtyp njoftoi se sot deri në Gjykatë do të dorëzojë 17 akuza për 18 lëndë kundër 94 personave fizik dhe 7 personave juridik, raporton Portalb.mk.
Janeva kumtoi se për të gjitha lëndët është ngritur akuzë, përveç lëndëve “Tabela” e cila pritet të vazhdojë hetimi dhe për lëndën “Talir”, ndërkaq lëndët “Fortesa” dhe “Target” janë njësuar në një lëndë.
Janeva premtoi se do të vazhdojë puna e PSP-së edhe pas skadimit të afatit për ngritje të akuzës, i cili skadon nesër.
“As sot as 1 korriku, nuk ndryshon asgjë, PSP do të vazhdojë me punën e saj”, tha Janeva.
Janeva tha se ka dyshime serioze që funksionarët shtetëror kanë bërë shkelje të të ligjit gjegjësisht, keqpërdorim të autorizimit zyrtar.
“Shpresoj se do të kemi mundësi që edhe në të ardhmen të merremi me rastet për korrupsion. Sot dhe nesër do të dorëzohen aktakuzat në Gjykatë. Nëse dikush në mënyrë të paligjshme ka financuar fushatë, është nevojshme më shumë kohë për atë. Ka shumë indikacione për kryerjen e veprës penale”, tha Janeva, duke shtuar se për funksionarët e BDI-së, nuk është hapur asnjë rast, ashtu siç është shkruar në media.
Janeva, tha se do të kërkojë paraburgim për një lider të partisë politike. Në prezantimet të cilat PSP ua ka ndarë mediave shihet se në rastin “Titanik”, ekipi i Janevës kërkon paraburgim për Nikolla Gruevksin, Martin Protugjerin, Kiril Bozhinovskin, Mile Janakieskin dhe Gordana Jankulloskën.
Lëndët janë përgatitur në kuti, ndërkaq sot dhe nesër do të dorëzohen akuzat.
LEXO: PSP kërkon paraburgim për Gruevskin, Protugjerin, Bozhinovskin dhe Jankulloskën
LEXO: Specialja nuk ngre akuzë për rastin “Talir”, hetimi vazhdon
LEXO: Lëndët e PSP-së arritën në Gjykatën Penale (FOTO+VIDEO)