Civil: Kërcënimet mbi votuesit vazhdojnë

Organizata joqeveritare ‘Civil’ pas zgjedhjeve i ka vizituar qytetet më të mëdha të vendit që të dëgjoje mendimet e qytetarëve për procesin zgjedhor. 

Kryetari i ‘Civil’ Xhabir Deralla thotë se nga vëzhguesit në teren është vërtetuar se po bëhen shtypje për punësimin e aktivistëve partiak në sektorin privat si biznese private dhe dyqane. 

“Vizituam disa qytete. Gjithkund përshtypja e parë është sikur nuk ka pasur zgjedhje. Ndër këtë hapësirë të paqes ekziston edhe frika nga ekipet e inspektorëve. Filluan kërkesat për punësimin e aktivistëve partiak dhe atë në sektorin privat. Ose do të punësosh aktivist partiak, ose e di se çka do të ndodhë”, thotë Deralla.