Del raporti i parë i vëzhguesve të KVV: Ka disa raste të blerjeve të votave në …

Koalicioni i Vëzhguesve Vendorë ka dalë me raportin e parë të vëzhguesve të zgjedhjeve. Përfaqësuesja e KVV, Gerta Meta, deklaroi se janë konstatuar raste të blerjes së votave si në Orikum, Korçë, Drenovë dhe po ashtu, pengim të vëzhguesve.

“U shfaq moslejimi i vëzhguesve në Malësinë e Madhe; nuk pranojnë që vëzhguesit të jenë prezentë në qendrat e votimit. Ne bëjmë apel për të krijuar të gjithë komoditetin se është detyrim ligjor që vëzhguesit e pavarur duhet të jenë aty duke vëzhguar se çfarë po ndodh nga afër.

Ka një raportim për një problem, blerjen e votave, që ka qenë prezent i konstatuar në disa qendra si në Orikum, në Korçë, në Drenovë etj”, u shpreh Gerta Meta.