‘Ibrahimovic transferohet te Milani’, deklarata që po çmend Italinë
Ish-presidenti i Milanit, Silvio Berlusconi ka konfirmuar dëshirën e tij të madhe për ta parë Zlatan Ibrahimovic me fanellën kuqezi.
Në një intervistë për “Premium Sport”, Berlusconi shpreson që kinezët të bëjnë investimet e duhura për të rikthyer Milanin në majën e Europës, shrkuan “Football-Italia”, raporton SYRI.net.
“Ibrahimovic? Do të doja ta shihja atë përsëri me ‘Rossonerët’. Ai është një plak, por pse jo? Do të doja ta shihja atë në numrin 9 të Milanit. Shpresoj që kinezët të bëjnë investimet e duhura dhe ta vendosin ekipin në fushë në mënyrën më të mirë”, u shpreh ai.
Sulmuesi suedez kaloi dy sezone me Milanin ku në vitin 2012 u shit tek Paris Saint-Germain.
Kujtojmë që Ibrahimovic është një lojtar i lirë pas aventurës 1-vjeçare tek Manchester United.
