Trumpi zgjat masat e jashtëzakonshme për Ballkanin Perëndimor
Presidenti amerikan Donald Trump ka marrë vendimin për Ballkanin Perëndimor me të cilin vazhdohen masat e jashtëzakonshme të cilat para 16 vjetësh i kishte vendosur George Bush, transmeton Koha.net, përcjell Portalb.mk.
Siç ka njoftuar Shtëpia e Bardhë, bëhet fjalë për dekretin të cilin në vitin 2001 e kishte nxjerrë presidenti i atëhershëm Bush.
Vendimi, ndër të tjera, përfshin edhe publikimin e listës së zezë të personave e të organizatave që janë nën sanksione të SHBA-së, përcjellin medie nga Sarajeva.
Trump për herë të parë që nga marrja e detyrës ka nënshkruar një vendim ekzekutiv që ka të bëjë me Ballkanin Perëndimor dhe atë e ka zgjatur edhe për një vit.
