Grupi rus e kthen në këngë ‘Betejën e Kosovës’ (Video)

Grupi heavy metal rus, Kipelov dhe lideri i tij, Valery Kipelov, kanë dalë me një këngë për humbjen e Kosovës nga Serbia, vend ku u zhvillua Beteja historike e Kosovës në vitin 1389 [midis një princi serb dhe osmanëve] dhe bombardimeve të NATO-s në Serbi në vitet 1990 – që çuan në pavarësimin e Kosovës.

“Unë u preka nga tema e tragjedisë së kombit sllav. Është interesante se ky është një eksperiment: më herët, muzika do të vinte së pari, por këtë herë teksti erdhi së pari”, ka shkruar Kipelov në kanalin e grupit në YouTube.

Tekstshkruesja, Margarita Pushkina, tha se “historia botërore është një manipulues i madh që luan me imagjinatën tonë.”

“Fjalët në lidhje me tragjedinë kombëtare të Serbisë janë vënë së bashku në tekstin e poemës”, shkruante Pushkina në kanalin e Kipelov në YouTube.

Kipelov është një muzikant rus dhe kreu i grupit heavy metal me të njëjtin emër. Një nacionalist i zjarrtë, ai mbështeti aneksimin e Krimesë nga Rusia dhe ka performuar në festivale muzikore duke festuar atë ngjarje në Krime.

Në pjesën e komenteve nën këngën për Kosovën, disa të shkruara në serbisht falënderojnë “vëllezërit e tyre” rusë.

Rusia dhe Serbia kanë marrëdhënie historike të ngrohta bazuar në lidhjet etnike sllave dhe anëtarësimin e përbashkët në Kishën Ortodokse.

Shumica e serbëve e perceptojnë Moskën si një nga aleatët e tyre më të mëdhenj, veçanërisht në betejën për të parandaluar njohjen ndërkombëtare të pavarësisë së Kosovës, e cila kryesisht është e banuar nga shqiptarët myslimanë.

Rusia dënoi ashpër ndërhyrjen e NATO-s në Serbi dhe Kosovë në fund të viteve 1990 dhe shpalljen e pavarësisë së Kosovës nga Serbia në vitin 2008.

Që atëherë ka votuar kundër anëtarësimit të Kosovës në institucionet ndërkombëtare në përputhje me dëshirat e Beogradit.

Nga ana tjetër, Serbia ka refuzuar të bashkohet me sanksionet perëndimore ndaj Rusisë për rolin e saj të perceptuar në nxitjen e konfliktit në Ukrainë, pavarësisht thirrjeve nga Brukseli duke deklaruar se Serbia – si një vend kandidat për në BE – duhet të përafrojë politikën e saj të jashtme me atë të BE-së.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP