Haradinaj i kundërpërgjigjet Kurtit: Qeverinë do ta bëjmë ne

Kandidati për kryeministër nga koalicioni PAN, Ramush Haradinaj, ka thënë se të mposhturit e zgjedhjeve të 11 qershorit po ngrisin teza imagjinare të një krize politike.

Ai më tej ka thënë se, për teket e askujt nuk mund të shkatërrohet vendi duke pretenduar të nisin gjërat nga e para.

Haradinaj përmes një postimi në profilin e tij zyrtar në rrjetin social “Facebook”, ka pohuar se shumë shpejt vendi do ta ketë Qeverinë e re.

Ndonëse ai nuk ka përmendur emra, ka lënë të nënkuptohet se përmes këtij statusi i është kundërpërgjigjur Kurtit. 

Më poshtë keni edhe reagimin e plotë të Ramush Haradinajt:

Defetistët janë ngutur edhe këtë herë për të lansuar lloj lloj tezash për një farë krize imagjinare politike.

Ato që i bluajnë në kokat e tyre, po mundohen t’ua mveshin të tjerëve, me shpresë se kështu mund ta ofrojnë veten si shpëtimtarë.

Por ky është një mashtrim utopik ordiner!

Standardet dhe normat zgjedhore, që i kemi në këtë Shtet, kanë prodhuar një rezultat që na hapë rrugën e krijimit të institucioneve të reja dhe kjo gjë do të ndodhë.

Përgjegjësia politike këtë herë është më e madhe se sa mashtrimi utopik, dhe shumë prej të zgjedhurve e kanë kuptuar se nuk ka më kohë për eksperimente për njëfarë Kosove “futuriste”!

Ne do t’i mveshemi punës dhe do ta kthejmë mbar këtë vend, sepse problemet janë të mëdha dhe janë konkrete.

Nuk mund ta shkatërrojmë vendin e t’ia nisim nga e para, për tekat e askujt.

Është derdhur gjak e djersë për ta krijuar këtë Kosovë, kështu siç e kemi, dhe askush nuk do ta ketë mundësinë e as fuqinë që ta rrezikojë ecjen përpara të vendit.

Kosova do të behët dhe do ta ketë Qeverinë e saj, shpejt!
RH“, shkruan në fejsbuk Haradinaj.

Lajme të ngjashme

Leave a Reply

Your email address will not be published. Required fields are marked *

Back to top button