Ivanov ngushëllon Londrën pas sulmeve terroriste
Presidenti i Republikës së Maqedonisë, Gjorge Ivanov i dërgoi ngushëllime Mbretëreshës së Mbretërisë së Bashkuar të Britanisë së Madhe dhe Irlandës Veriore, Elisabetës së Dytë, pas sulmit terrorist në Londër.
“Në këto momente pikëllimi të thellë më lejoni që në emër të qytetarëve të RM-së, të shpreh ngushëllimet e mia të sinqerta dhe t’ju inkurajoj në qëndrueshmërinë dhe vendosmërinë në luftën me dhunën dhe aktet kriminale, pa marrë parasysh nga kush dhe nga se janë motivuar”, thotë Ivanov.
Republika e Maqedonisë, siç thekson Ivanov, në mënyrën më të ashpër i dënon sulmet terroriste, që përhapin frikë dhe nga të cilat askush dhe askund nuk është i sigurt dhe fuqishëm e përkrah Mbretërinë e Bashkuar në luftën e vendosur kundër terrorizmit , si parakusht në rrugën drejt paqes, stabilitetit dhe përparimit.