PSZH kalon në finale në turneun në Kelln
Kampioni i Francës, Paris Sen Zhermeni është finalisti i parë i turneut “Fajnëll Four”, në Ligën e Kampionëve, pasi në gjysmëfinale mundi skuadrën hungareze Vesprem me 27-26. Pjesa e parë u mbyll me barazim 11-11, ndërsa në vazhdim skuadra franceze vazhdimisht ishte në epërsi deri në sekondat e fundit kur Vespremi humbi rastin që të barazojë rezultatin. Te PSZH u dalluan Gens-hajmer dhe Hansen me nga 7 gola, ndërsa më efikas te Vespremi ishte Naxhi me 6 dhe Maruçi me 5 gola. Në gjysmëfinalen tjetër përballen Barcelona dhe Vardari.
