Çka përfiton muslimani nga agjërimi?

Agjërimi është  një rast direkt mes Krijuesit  dhe krijesës. Ky është një ibadet (adhurim) i pastër nga hipokrizia (dyfytyrësia), sepse kjo bëhet vetëm mes Zotit dhe personit pa njohjen e të tjerëve. Njeriu mund të thotë se agjëron kurse të tjerët nuk mund të ta vërtetojnë, pra është obligim i lidhur vetëm mes njeriut dhe Zotit.

Shpirti i besimtarit pastrohet përmes saj dhe në të njëjtën kohë përforcohet lidhja midis njeriut dhe Zotit;  dhe njeriut me njeriun. Nëse kjo veti nuk do të gjendet në agjërim, ai mbetet i pakuptimtë.

Nga dobitë e mëdha në Ramazan është edhe rritja e zemërgjerësisë dhe mëshirës ndaj të varfërve. Në anën tjetër, përmes agjërimit forcohet vetëkontrolli dhe koncentrimi në qëllimin e duhur. Kush agjëron, mendon shumë në Zotin, ushtron punëmirësinë e tij dhe e shijon ëmbëlsinë e nënshtrimit të plotë në Allahun xh.sh., në dashurinë dhe në devotshmërinë e tij.

Muslimanët i shijojnë iftaret, tubimet dhe dashurinë familjare, farefisnore gjatë këtij muaji të bekuar. Ushtrimet e posaçme të trupit dhe të shpirtit gjatë këtij muaji i japim edhe një aspekt tjetër dobive të pakufishme të muajit madhështor.

Pjesë e kapitullit “Për agjërimin e muajit Ramazan” të librit “25 pyetje”.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP