Muhamedi dhe fisnikëria e tij me robërit e luftës

Edhe pse sot ka marrëveshje dhe konventa ndërkombëtare, sërish robi i luftës është i persekutuar dhe i keqtrajtuar fizikisht dhe psiqikisht, dhe i shkelen të drejtat e tij njerëzore në mënyrën flagrante.

Muhamedi, i dërguari i All-llahut, sal-lAllahu alejhi ve sel-lem, që para katërmbëdhjetë shekujve i përcaktoi botës një metodologji të madhe mbi sjelljes ndaj robërve të luftës, të cilën po ta zbatonin njerëzit në këto ditë do të dilnin nga kriza e robërve të luftës në të cilën gjinden sot. Kjo gjë po e ngacmon edhe më tej çdo njeri me ndërgjegje të gjallë dhe moral të lartë.

Pejgamberi, sal-lAllahu alejhi ve sel-lem, e ka ndaluar kategorikisht, që të shkelen të drejtat e robërve pa marrë parasysh arsyetimet e ndryshme.

Sipas mësimeve të tij, Sal-lAllahu alejhi ve sel-lem, nuk lejohet të shahet, ofendohet, t’i ndërpritet ushqimi apo pija.

Duke i zbatuar këto mësime fisnike ithtarët e Muhamedit, sal-lAllahu alejhi ve sel-lem, i jepnin përparësi më të madhe robërve në ushqim dhe pije, se sa vetes.

Këtë sjellje e lavdëron edhe Kurani, duke i përshkruar ithtarët e Muhamedit, sal-lAllahu alejhi ve sel-lem, duke thënë: “Ata janë që për hir të Tij u japin ushqim të varfërve, jetimëve dhe të zënëve robër”. (El-Insan:8).

Domethënë se Muhamedi, sal-lAllahu alejhi ve sel-lem, dhe ithtarët e tij i jepnin përparësi jetimit. Të ngratit dhe robit në ushqim dhe pije, edhe pse ata kishin nevojë të madhe për to!

Robërit e luftës kanë shumë nevojë sot për këto sjellje në përputhje me mësimet e Pejgamberit, sal-lAllahut alejhi ve sel-lem, të ndalohet lotimi i tyre, t’u kthehen të drejtat e tyre, madje edhe njëzirllëku i tyre me të cilën ua mori civilizimi i armëve shkatërruese masive dhe luftërave të pamoralshme.

Pas tërë kësaj themi: Muhamedit, sal-lAllahu alejhi ve sel-lem, i takon të mburret maksimalisht para qytetërimit bashkëkohor, për shkak se ua ka kaluar plotësisht dhe praktikisht në sferën e të drejtave të njeriut, jo vetëm në nivelin e parullave dhe reklamës, siç bëjnë shtetet e sotme, sepse nuk mund të gjeni në bazë të studimeve të qeta dhe të paanshme asnjë rast në jetën e Muahmedit, sal-lAllahu alejhi ve sel-lem, ku ai të ketë shkelur të drejtën e robërve të luftës me keqtrajtime fizike dhe psiqike.

E kështu do të vazhdonim të numëronim pafundësisht për mirësitë e karakterit dhe të virtyteve të Muahmedit, sal-lAllahu alejhi ve sel-lem, ku do të mbusheshin faqe të tëra librash.

Marrë nga libri “I këtillë ishte Muammedi sal-lAllahu alejhi ve sel-lem” me autor Bekir Halimi.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP