Për flokët e fortë, mos harro hithrat. Ja mënyra më e thjeshtë e përdorimit
Meqenëse në këtë sezon hithra është një prej bimëve më të gjendura në treg, përveҫ përdorimit të gjerë në kuzhinë, është një përbërës mjaft i mirë edhe për forcimin e flokëve, shkruan Revista Class.
Hithra njihet për vlerat e larta kurative, por është një bimë e përdorur dendur edhe nga gjyshet, të cilat i besonin sa herë kishin rënie flokësh apo flokë të hollë e delikatë.
Për përgatitjen mjafton të përziesh 50 gram hithra të freskëta, të grira imët. Vendosi në një enë me rreth 200 ml ujë dhe lëri të vlojnë për 15 minuta. Pasi e ke lënë të ftohet, laji flokët me shpampo si zakonisht dhe në fund, apliko locionin e përftuar nga hithra. Masazhoje skalpin me kujdes dhe mbaje për disa minuta, pastaj shpëlaje.