Putin i uron Erdogan-it rikthimin në krye të AK Partisë
Presidenti i Republikës së Turqisë Recep Tayyip Erdoğan dhe presidenti rus Vladimir Putin sot zhvilluan një bisedë telefonike, raporton Anadolu Agency (AA).
Siç mëson gazetari i AA nga burime të afërta me Zyrën e presidentit të Turqisë, Putin i ka uruar Erdoğan-it rikthimin në krye të Partisë së Drejtësisë dhe Zhvillimit (AK Parti).
Erdoğan dhe Putin, gjithashtu folën edhe për marrjen e hapave të shpejtë për thellimin e marrëdhënieve ruso-turke si dhe për situatën në Siri.
Më tej u theksua se krijimi i “zonave jokonfliktuale” në Siri do të kontribuojë për zgjidhjen e çështjes në këtë vend.