Të gjithë e duan Bardhin, Dortmundi dhe Shtutgarti e vëzhgojnë

Enis Bardhi tani më është bërë emri më i përmendur i futbollistëve shqiptar që luajnë jashtë vendit. Padyshim se paraqitjet e mira dhe golat vendimtar që bënë Ujpesti të jetë në mesin e ekipeve më të mira në kampionatin e Hungarisë, kanë rritur interesimin e shumë klubeve evropiane për ta bërë Bardhin për vete. Sigurisht se në këtë ka ndikuar edhe kualifikimi i reprezentacionit të Maqedonisë U-21 në Kampionatin Evropian në Poloni, e ku Bardhi ishte ndër më të merituarit.

Kjo bëri që së fundmi edhe gjigantët e futbollit gjerman, Borusia Dortmundi dhe Shtutgarti të jenë në vëzhgim të futbollistit shqiptar nga Shkupi.

Përkrahja për Enis Bardhin

Përkrahja për Enis Bardhin

“Për Bardhin ka interesim të madh nga skuadra të njohura evropiane. Për shërbimet e tij kanë shprehur interesim klube nga Gjermania, Belgjika, Kroacia dhe Ukraina, por kalimi në Bundesligë është më afër”, ka thënë menaxheri Berisha, duke shtuar se kontrata e tij me Ujpestin është e vlefshme deri në vitin 2020, po nuk paraqet asnjë problem për tu transferuar në klub tjetër. Skaut të ekipeve të Borussia Dortmundit dhe Shtutgartit e kanë përcjellë nga afër Bardhin në ndeshjet e luajtura ndaj MTK-s dhe Debrecenit, ku ekipi i tij Ujpesti kishte pësuar disfatë, por Bardhi kishte luajtur në formë të mrekullueshme.

Gjithashtu është përfolur shumë edhe për ekipin e Dinamo Zagrebit që ka dërguar ofertë në vlerë prej 800.000 eurove për Bardhin, por klubi transferimin e tij e ka vlerësuar me shumë më të madhe. /Portalb.mk/

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP