Moti sot në Maqedoni

Moti sot në Maqedoni do të jetë me mjegulla me kushte për paraqitjen e reshjeve të shiut.

Sipas DPHM-së, deri te shtunën rajoni i Maqedonisë do të jetë nën ndikim të disa valëve të lagështa të ajrit dhe moti kryesisht në orët e pasditës do të jetë i ndryshueshëm dhe jostabil me të reshura të mëdha të shiut dhe bubullimë.

Nesër do të jetë kryesisht me vranësira gjatë tërë ditës dhe priten të reshura më të mëdha të shiut, posaçërisht në pjesët jugore. Në disa vende, sasitë e përgjithshme mund të tejkalojnë 45 litra në një metër katror.

Të premten dhe të shtunën të reshurat do të jenë më të lokalizuara, ndërsa do të fryejë erë e përforcuar veriore. Temperatura në fundjavë do të jetë në rritje të lehtë.