Oficieri i Agjencisë Informative të Sigurisë Serbe ka qenë i pranishëm gjatë kohës së incidenteve në Kuvend

Goran Zhivaleviq, oficier i Agjencisë Informative të Sigurisë – BIA, diplomat aktual dhe këshilltar i ambasadës serbe në Shkup me 27-të prill në kohën e incidenteve në Kuvend ka qenë aty, bën të ditur grupi hulumtues i Tellmës dhe Gazetës Koha, njofton Portalb.mk.

Goran Zhivaleviq, është ish zëvendës drejtor i Agjencisë Informative së Sigurisë Serbe –BIA, ndërsa tash është zyrtar i cili punon në ambasadën në Shkup tashmë në mandatin e tretë. Ai ka hyrë në Kuvend pas orës njëzet me grupën e turmës dhe është drejtuar drejt sallës plenare ku akoma ishin deputetët e VMRO-DPMNE-së. Sipas burimeve të Tellmës dhe Kohës ai aty edhe është fotografuar. Por, pse një diplomat i cili sipas faqes së ambasadës serbe në Shkup është këshilltar i së njëjtës, të jetë i pranishëm gjatë kohës së ngjarjeve në Kuvend që është jashtë protokollit të diplomatëve?

Goran Zhivaleviq për televizionin Tellma tha se ka qenë i pranishëm në Kuvend pas detyrës zyrtare që të shoh se në incident a kanë marrë pjesë edhe persona nga Serbia, tifoz ose ekstremist.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP