Ahmeti: Ministria e Shëndetësisë do t’u takojë shqiptarëve (VIDEO)

Lideri i Bashkimit Demokratik për Integrim (BDI), Ali Ahmeti pas mbledhjes së djeshme deklaroi se nuk është marrë vendim ende për emra konkret por vetëm për pozita, njofton Portalb.mk.

“Sa i përket resorëve, BDI do të udhëheq me të gjitha ministritë të cilat i kishte deri tash. Ndryshim do të ketë në Ministrinë e Shëndetësisë dhe atë të arsimit. BDI dy vjet udhëhoqi Ministrinë e Arsimit, ndërsa në Qeverinë e re, kuadri i partive shqiptare do të udhëheq me Ministrinë e Shëndetësisë”, tha Ahmeti.

Gjatë këtyre ditëve pritet që të publikohen edhe lista përfundimtare e ministrave të përbërjes së re Qeveritare.