UNITETI formoi degën e Karposhit dhe degën e Aerodromit

Partia UNITETI vazhdon me shtrirjen e strukturave të saj sipas dinamikës së paraparë në Planin aksional. Sot pasdite, në lagjen Nerez të Shkupit u formua dega e kësaj partie. Në Kuvendin themelues të përgatitur nga Këshilli nismëtar, kuvendarët unanimisht zgjodhën stomatologun Shefket Kadriu për Kryetar të degës. Njëkohësisht u zgjodhën edhe organet e degës, si dhe anëtarët e Kuvendit Qendror nga kjo degë.
Ndërkohë në lagjen Lisiçe në komunën Aerodrom të Shkupit, në Kuvend themelues të degës së UNITETI-t për këtë komunë, kuvendarët zgjodhën afaristin Femi Ramadani për kryetar dege. Njëkohësisht u zgjodhën organet në nivel lokal, si dhe përfaqësuesit e degës në Kuvend Qendror.
Dy kryetarët e porsazgjedhur u zotuan se do të zbatojnë përcaktimet programore të partisë UNITETI, në përputhje me Statutin e kësaj partie, me qëllim të avancimit të të drejtave të shqiptarëve në këto komuna, ku në të kaluarën të njëjtit janë ballafaquar me majorizim nga krerët komunal.

Lajme të ngjashme

Leave a Reply

Your email address will not be published. Required fields are marked *

Back to top button