Veljanoski ju ik pyetjeve për PSP-në (VIDEO)
Sot PSP hapi tre raste të reja në të cilën zbulohen shpërlarje parash të shumta nga partia pjesë e së cilës është edhe Trajko Veljanoski. Por ky i fundit edhe pse i pyetur për këto raste, sërish refuzon të përgjigjet, njofton Portalb.mk.
“Më lini të qetë, nuk ka deklaratë”, tha Veljanoski.
Ndryshe në rastin e “Trajektorja” paraqiten 4 funksionarë të Qeverisë së VMRO-DPMNE-së dyshohet se kanë ndërmarrë veprime me të cilat janë ndërtuar seksionet e autostradës Milladinovc – Shtip dhe Kërçovë – Ohër, gjatë së cilës kanë pranuar ofertë më të shtrenjtë për tenderin, me çka buxhetit të Maqedonisë i kanë bërë dëm prej 150 milionë euro. Të dyshuarit janë marrë vesh vetëm me një ndërmarrje.
