Rrëfen Vllasi, ja kush është faktori i vetëm i destabilitetit në rajon

Situata politike në rajon është e tensionuar, pasi të gjitha vendet kanë qeveri të paqëndrueshme, dhe se nga ana tjetër, është ulur interesi dhe angazhimi i Bashkimit Evropian dhe i Shteteve të Bashkuara të Amerikës, gjë e cila po përdoret nga Rusia, ka thënë ka thënë ish-funksionari komunist i Kosovës, Azem Vllasi, në një intervistë për të përditshmen boshnjake “Avaz”.

“Autoritetet serbe kanë pretendime të hapura territoriale ndaj Kosovës dhe Kosovën e trajtojnë si pjesë e Serbisë – si në kohën e regjimit të Sllobodan Millosheviqit.

Nga Beogradi kurrë nuk do të dëgjojë distancim nga autoritetet në Banja Llukë që haptazi kërcënojnë të shkëputet Republika Serbe me anë të një referendumi e t’i bashkohet Serbisë.

Me skenar të përgjakshëm u synua të përmbyset regjimi legjitim i Malit të Zi që të largohet vendi nga integrimi në BE dhe në NATO. Në këtë rast ishin të përfshirë njerëz nga Serbia dhe nga Rusia”, ka thënë ai, transmeton “Telegrafi”.

Sipas tij Rusia haptas kërcënon Malin e Zi, ndërsa ishte shteti i vetëm që mbështeti formacionin politik VMRO-DPNE që ushtroi dhunë në Parlamentin e Maqedonisë.

“Në rajon jemi rreshtuar si në vitet 1991-1992. Serbia në njërën anë e ballafaquar me Perëndimin e ne të tjerët (Sllovenia, Kroacia, Bosnja, Maqedonia, Kosova), me aspirata demokratike properëndimore.

Të gjitha këto vende, përfshirë Malin e Zi, edhe sot janë të kthyera kah integrimi euroatlantik. Veç Serbia i jep përparësi Rusisë e pastaj integrimit evropian.

Me Serbinë asnjë vend tjetër në rajon nuk ka probleme të përbashkëta e as çështje të hapura. Kështu del që i vetmi faktor i jostabilitetit në Ballkan në Serbia. Njerëzit në krye të Serbisë kërcënojnë shtetet që kanë pranuar Kosovën”, ka thënë ai