Ramush Haradinaj dhe Anita: Jeta jonë mes sfidash

Për herë të parë, ish-Kryeministri i Kosovës, aktualisht kryetari i Aleancës për Ardhmërinë e Kosovës, Ramush Haradinaj shfaqet në një studio televizive së bashku me bashkëshorten e tij Anitën në “Pasdite në Top Channel”.

Fillimisht, Haradinaj u pyet për ndalimin në Francë dhe se si e përjetoi ai, por dhe familja e tij.

“Jemi të gëzuar që jemi bashkuar sërish. Koha është ajo që na mungon sepse obligimet i kemi të shumta. Unë jam i pastër para ligjit në Kosovë dhe ligjit ndërkombëtar. Nuk e mendoja se si do të reagonin shqiptarët. Më ka ardhur shumë keq për familjen sepse kjo që ndodhi për mua ka qenë e rëndë për të gjithë familjen, por mbi të gjitha për fëmijët, pasi e kanë përjetuar shumë”, u shpreh Haradinaj.

Ndërkohë Anita shprehet se ajo që iku nuk kthehet më, por duhet shikuar të ecësh përpara, thotë ajo.

“Rikuperimi i kohës është shumë i rëndësishëm. Ajo që iku nuk kthehet më, por e mira është që të gjejmë vullnetin dhe të ecim përpara. Sfidat të forcojnë edhe më shumë. Fëmijët dua ti kursejë me këto ngjarje. Djali i madh ishte më ndryshe, ndërsa dy fëmijët e vegjël ishin më të qetë kur Ramushi u kthye”, thotë Anita.

Ramush Haradinaj flet më pas për momentet kur ai u la i lirë nga Franca, ku thotë se ka mbetur i befasuar nga pritja e mijëra shqiptarëve. “Me mijëra njerëz më kanë pritur nga çdo pjesë e atëdheut tonë. Ata e mendonin si mungesë respekti nëse nuk prezantoheshin nga vinin. Francezët u habitën me numrin e madh të njerëzve. E kisha menduar të vija edhe në Tiranë për të falenderuar shqiptarët, por nuk munda ta bëja këtë”, tregon ish-kryeministri i Kosovës.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP