Nëse veshjet intime shfaqin këto karakteristika, nuk duhen veshur më

Të brendshmet janë një pjesë shumë intime e veshjes, të cilat qëndrojnë shumë në kontakt me trupin tonë dhe me pjesët më delikate të trupit siç janë organet gjenitale. Për këtë arsye, mjekët gjinekologë këshillojnë vazhdimisht mbi llojet e mbathjeve të cilat nuk duhet t’i mbani. Arsyeja është e qartë: mbledhin papastërti, të cilat mund të shndërrohen në infeksione të rrezikshme në lëkurë apo në organet intime. Ja si ta dalloni se mbathjet që keni blerë nuk duhet t’i vishni më:

Kur mbathjet mbajnë erë: Kjo tregon se materiali i tyre mund të jetë një sintetik jo i mirë që i mban papastërtitë në sipërfaqe, duke i vënë mikrobet në kontakt me lëkurën gjenitale.

Kur edhe pasi i lani, mbeten njolla të verdha: Nuk është faji i detergjentit, është faji i copës së mbathjeve tuaja. Ajo është aq jo-cilësore saqë jo vetëm i mbledh papastërtitë, por ato ngecin nëpër të dhe s’ka enzima që të mund t’i largojnë prej tyre.

Kur pasi i lani, shikoni një njollë çngjyrosjeje: Sekrecionet femërore përmbajnë aciditet dhe mbathjet cilësore janë prodhuar me material që të mos çngjyrosen nga mukoza gjenitale. Nëse mbathjet duken si të jenë të çngjyrosura me acid, duhet t’i zhdukni menjëherë.

Kur shihni se u ka dalë ngjyra: Një copë që i del ngjyra shpejt nuk duhet veshur as në bluzë, aq më pak të veshësh mbathje boja e të cilave është aq e keqe saqë mund të shkojë aty ku nuk duhet.

Kur zgjerohen dhe ju varen: Në këtë rast, hidhini menjëherë. Materiali i tyre nuk është bërë për t’ju mbrojtur! Duke mos ju mbuluar siç duhet, lejojnë hyrjen e mikrobeve.

Kur janë tepër të ngushta: Në këtë rast ju krijojnë irritime duke u fërkuar me lëkurën rreth organit dhe kofshëve. Këto irritime mund të shndërrohen në infeksione shumë të rrezikshme, pasi pjesa e skuqur/enjtur e lëkurës dobësohet duke humbur substancat që e mbrojnë.

I mbani pastër, por i keni prej kohësh: Nuk mund t’i mbani mbathjet më shumë se 1 vit e gjysmë. Kujdesuni të blini mbathje të reja herë pas here dhe hidhini ato që keni shumë kohë që i përdorni.

Janë të bukura, por nuk e kryejnë funksionin: Flasim për ato dantellat e bukura, të kuqe, me lule, gurë etj. etj. Të themi atë që është, ato nuk duhen hedhur sepse janë shumë seksi, por nuk janë bërë për t’i mbajtur 12 orë veshur nëpër rrugët e qyteti plot tym, pluhur dhe mbeturina që shpërbëhen në ajër.

intv.al

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP