Ahmeti pritet të takohet me Zaevin
Kreu i Bashkimit Demokratik për Integrim, Ali Ahmeti, ka thënë se sot pritet të takohet me përfaqësues të LSDM-së për të formuar qeverinë e re.
“Akoma nuk ka bisedime, sot do jetë takimi mes BDI-së dhe LSDM-së dhe besoj që do ecin negociatat”, tha Ahmeti, duke shtuar se është optimist se qeveria e re do të formohet së shpejti.
Lideri i LSDM-së Zoran Zaev më 17 prill nga presidenti Gjorge Ivanov e mori mandatin për formimin e qeverisë së re.
Shumica aktuale parlamentare në Kuvendin 120-të anëtarësh të Maqedonisë ka përkrahje nga 67 deputetë të koalicionit të kryesuar nga LSDM-ja, BDI-ja, BESA dhe Aleanca e Shqiptarëve.
