Vuçiç: Më intereson vetëm sesi do të sillet Maqedonia ndaj Serbisë

Kryeministri i Serbisë, Aleksandar Vuçiç, sot deklaroi se i intereson vetëm sesi Maqedonia do të sillet ndaj Serbisë dhe sipas tij nuk ka rëndësi “kur e ofendon”, mandatari për formimin e Qeverisë së Maqedonisë, Zoran Zaev, raporton Anadolu Agency (AA).

“Nuk do të doja t’i komentojë marrëdhëniet në Maqedoni. Mua nuk më pengon kur më ofendoi, për mua është me rëndësi sesi do të silleni ndaj Serbisë. Nëse e kritikova Maqedoninë, e kritikova sepse votuan për anëtarësimin e Kosovës në UNESCO”, u tha Vuçiç gazetarëve në Oxhanci, duke komentuar deklaratën e djeshme të Zaev se nuk i vjen mirë të dëgjojë “sesi Serbia flet për Maqedoninë”.

Vuçiç shtoi se do të shoh se si Maqedonia do të sillet ndaj votimit të ri për anëtarësimin e Kosovës në UNESCO.

Zoran Zaev dje për televizionin “N1” deklaroi se nuk i vjen mirë në çfarë mënyrë Serbia i komenton zhvillimet në Maqedoni, porse ai do të përpiqet të ketë marrëdhënie të mira me Beogradin.

“Shihni, (kryeministri i Serbisë, Aleksandar) Vuçiç zhvillonte fushatë dhe tekstualisht në çdo paraqitje fliste për ndonjë ‘skenar maqedonas’. Për fat të keq, për mua kjo ishte e pakëndshme për të dëgjuar, si fqinji jonë flet për Maqedoninë”, tha Zaev. Ndaj deklaratës së Zaevit dje reagoi edhe ministri i Punëve të Jashtme i Serbisë, Ivica Daçiç.

Ai vlerësoi se mandatari për formimin e Qeverisë së re të Maqedonisë, me deklaratat e tij i cenon marrëdhëniet e Beogradit dhe Shkupit dhe se ofendimet që i drejton ndaj udhëheqësisë serbe sigurisht se do të ndikojnë në marrëdhëniet bilaterale. “Serbia sigurisht se nuk do t’i lejojë askujt, e as Zaevit, që ta nënçmoj, ndërsa raporti ndaj autoriteteve në Shkup në të ardhshmen do të jetë reciprok ndaj sjelljes së tyre ndaj Serbisë”, theksoi Daçiç.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP