Ambasadorja Çitaku sulmohet me vezë, akuzohet për vdekjen e Astrit Deharit (VIDEO)

Ambasadorja e Kosovës në SHBA,Vlora Çitaku, është goditur me vezë duke u akuzuar si kriminele për rastin e vdekjes së aktivistit të Vetëvendosjes Astrit Dehari.

Se është sulmuar në një mënyrë të tillë e ka konfirmuar vet Ambasadorja Çitaku teksa kjo ngjarje ndodhi në ”University of Denver” gjatë një bashkëbisedimi në International Security, njofton Klan Kosova.

”Sot kam qenë e ftuar në një bashkëbisedim nga Denver Women in International Security. Bashkë me Ambasadorin Christoper Hill sqaruam para studentëve dhe mysafirëve të shumtë situatën në Kosovë dhe Ballkan, rritjen e influencës Ruse dhe nevojën për rritjen e vëmendjes së SHBA-ve karshi Kosovës dhe rajonit tonë.
Bashkëbisedimi ishte shumë dinamik, dhe pati shumë pyetje interesante për rolin e NATO-s, të drejtën ndërkombëtare, rolin e gruas në proceset e shtetndërtimit etj.
Nga fundi i bashkëbisedimit, një aktiviste shqiptare, u ngrit, më akuzoi se jam kriminele, vrasëse (duke iu referuar vdekjes së Astrit Deharit), pastaj akuzoi Ambasadorin Hill që po promovon kriminelët. Dhe në fund hodhi vezë në drejtimin tim.
Vezët nuk e kanë vrarë kurrë askënd. Po fjalët vrasin.
Sigurisht që ndjehem e lënduar nga ato fjalë të rënda, dhe nga ato shpifje pa kripë.
Është krejt normale të kemi mospajtime, por ato duhet të mbesin në nivelin e debatit, e asnjëhere në sulm e shpifje ndaj tjetrit.
Kaq për sonte”, përfundon Ambasadorja Vlora Çitaku në statusin e saj në Facebook.


Vlora Çitaku sulmi me veze by GazetaExpresscom

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP