Zamir Mehmeti: Raporti i Agjencisë për media është i turpshëm
Raporti për vëzhgimin e televizioneve në raundin e parë të zgjedhjeve për një pjesë të anëtarëve të agjencisë është i turpshëm.
Kjo është herë e parë e trupit rregullatorë që të kritikojë dhe etiketojë media vetëm pse kanë prezantuar anketë të Agjencive për hulumtim, vlerëson anëtari Zamir Mehmeti.
“Deri më tani në historinë e këtij trupi rregullatorë nuk ka dalë raport i këtillë. Deri më tani nuk ka pasur kështu lloj etiketimesh të mediave, ose përzierje në punën e tyre redaktuese”, thotë Mehmeti.
Si shembull ai e përmendi skandalin e fundit që e publikoi LSDM ku tre mediume dhe RTVM nuk e kanë përmendur aspak në kuadër të lajmeve.
