Kush ia siguron jetën e luksit, Adelina Tahiri “thumbon” koleget
Edhe pse është tërhqeur kohët e fundit nga muzika, për Adelina Tahirin nuk ka munguar vëmendja e publikut dhe sidomos për jetën private. Fotot provokuese në rrjetet sociale kanë nxitur gjithmonë kërshërinë e publikut për të mësuar të rejat e fundit nga ajo. Por sa herë këngëtarja poston foto nga jeta e saj luksoze, me makina të shtrenjta apo udhëtime.
Megjithatë, për Adelinën, gjithҫka është e pranueshme dhe e justifikuar falë familjes së saj, por edhe kontratave në muzikë apo reklama të ndryshme në Maqedoni.
E ftuar këtë javë në Express Rozë, këngëtarja e njohur nga Maqedonia sqaron se makinat nuk ia dhuron askush përveҫ familjes së saj apo punës disavjeҫare në tregun muzikor.
E pyetur për makinën e re që ka postuar së fundi nga profilet e saj, e cila mendohet se kap vlerën e 40 mijë eurove, Adelina rrëfen se e ka blerë falë ndihmës së familjes dhe punës që bën vetë. Hamendësimet se pas saj fshihet dikush që ia bën dhuratë makinat, vetë këngëtarja i rrëzon poshtë duke thënë: “Ajo makinë është blerë vjet për ditëlindjen time dhe ma ka dhuruar babi. Gjithmonë kam pasur makina të mira, falë familjes sime, por edhe punës sime që bëj. Besoj e kanë parë të gjithe që e gjithë Maqedonia ka qenë e pushtuar nga billboardet e Adelinës. Kam bërë edhe dy reklamat me buxhetin më të lartë në Maqedoni që ka ekzistuar deri më tani në një kontratë”.
Gjithashtu këngëtarja ka thumbuar edhe disa nga koleget e saj: “Gjithmonë diskutohet: Kush ia ka blerë? Pse duhet patjetër të ma blejë dikush? Kjo gjë më irriton shumë sepse nuk është se Adelina dje bleu makinë , si shumica e kolegeve të mia. Unë gjithmonë kam pas makina dhe i falenderohem familjes sime. Gjithmonë kam patur një jetë shumë të mirë. Unë kam blerë makinë, por edhe më ka ndihmuar babi dhe pa ndihmën e tij nuk do kisha mundur ta blej”, përfundon ajo.