LSDM: Fillimisht formimi i Qeverisë e më pas zgjedhjet lokale
“Është e nevojshme që të gjitha subjektet politike në shtet të jenë në nivelin më të lartë të përgjegjësisë që të zgjidhet Qeveria e re sa më shpejtë dhe të jepen kushtet ligjore për mbajtjen e zgjedhjeve lokale”, kështu u shprehën nga Lidhja Social Demokrate e Maqedonisë nëpërmjet kumtesës së dërguar sot, njofton Portalb.mk.
Nga atje vlerësojnë se kryetari i Maqedonisë, Gjorge Ivanov duhet që sa më shprejtë ta jep mandatin dhe të mos vazhdojë që bashkë me VMRO-DPMNE-në edhe më tej të bllokojnë proceset demokratike.
“Gjorge Ivanov duhet që sa më shpejtë ta jep mandatin për formim të Qeverisë. Ekziston program për Qeveri reformuese e cila garanton unitaritetin e Maqedonisë, punon në bazë të Kushtetutës dhe në interes të perspektivave euro-atlantike . Do të ketë riafrimin të ndasive strategjike me qëllim që të pushojnë edhe arsyet për të cilat Ivanov dhe opozita VMRO-DPMNE i bllokojnë proceset demokratike, kurse ajo dëmshëm po pasqyrohet te qytetarët”, thuhet në kumtesën e LSDM-së.
Nga LSDM thonë se “asnjë lojë me data nuk është zgjidhje, zgjidhje është që t’i jepet mandati kryetarit Zoran Zaev të formojë Qeveri dhe të përcaktojë datë për zgjedhje lokale”.