Edhe Flankeshtajn mbështet Hanin

Raportuesi i PE-së për Shqipërinë, Knut Flankeshtajn mbështeti mesazhin e Johanes Han për shqiptarët.

Në një postim në Twitter, Flankeshtajn shkroi: “Mbështes mesazhin për popullin shqiptar. Pas bisedimeve në SHBA, jemi të trishtuar për situatën. E qartë se mbi kë rëndon përgjegjësia”.

Johanes Han i drejtoi një letër publike qytetarëve shqiptarë, ku u tregua i drejtëpërdrejtë dhe dënoi thirrjet për pengim të procesit zgjedhor, më 18 qershor.

“Më lejoni që të tregohem i qartë; dënojmë fuqimisht çdo thirrje për “aksione” që do të minojnë të drejtën e qytetarëve për të votuar dhe të drejta të tjera themelore. Këto “aksione” nuk mund të justifikohen dhe nuk janë në përputhje me standardet e Bashkimit Europian”, thotë Han.