Gjithçka gati për konferencën DOKU:TECH – Frika, Shpresa dhe gjithçka në mes tyre

Konferenca e teknologjisë dhe inovacionit, “DOKU:TECH” do të mbahet me datë 10-11 qershor 2017 këtë herë në Prishtinë në objektin e Termokiss.

Kjo konferencë ka për qëllim të mbledhë së bashku folës të njohur ndërkombëtarë dhe lokal, hulumtues, institucione e organizata të ndryshme si dhe pjesëmarrës aktiv me ide kreative, pyetje dhe tema për të diskutuar.

Sipas organizatorëve, në të do të flasin ekspertë në temën: Frika, Shpresa dhe gjithçka në mes tyre.

“Ju sjellim vëzhgues të kujdesshëm të aftë për të zbuluar modelet e përshpejtimit të ndryshimeve që teknologjia i prodhon në një shoqëri. Ju sjellim inovatorët që janë duke i shtyrë kufijtë dhe thyer barrierat për të na çuar neve përpara. Lartësojmë talentët lokalë dhe ndërkombëtarë që do ti sheh sfidat dhe mundësitë në kontekstin e çështjeve globale. Gjithashtu, sjellim dhe DJ mendjehapur për ta bërë këtë ngjarje më interesante” shprehen për Portalb.mk, organizatorët.

DOKU:TECH bën thirrje për pjesëmarrës që mund të jenë nga fusha të ndryshme, ndërsa në punëtoritë dhe prezantimet e DOKU:TECH ata i bashkon teknologjia si pikë e përbashkët.

DOKU:TECH prezantim edhe në Shkup

Duke u nisur nga fakti që interesimi i të rinjve për të ndjekur folës të njohur nderkombëtarisht, punëtori të ndryshme në fushën e teknologjisë është shumë i madh, edhe këtë vit DOKU.TECH mban “Open House” apo prezantim promovues të ngjarjes në Prishtinë.
Me ndihmën e Fondacionit Metamorfozis, prezantues nga Prishtina do të vinë në Shkup javën që vjen ndërkaq për vendin dhe datën do të ju informojmë sërish.

LEXO: Metamorfozis organizoi takim me përfaqësuesit e DOKU:TECH

Prapavija e DOKU:TECH

DOKU:TECH ndërlidhet me festivalin DokuFest.

Ky është viti i katërt që këtë konferencë dy-ditore e organizon Fondacioni IPKO, Share Foundation, DokuFest, Ambasada Amerikane, SWIS EYE, GIZ në Kosove e te tjerë.

Viteve të kaluara, në tre konferencat e mëhershme (2014-2016) DOKU:TECH mblodhi mbi 3000 pjesëmarrës nga Kosova dhe shtetet fqinje dhe individë të njohur – talentë të teknologjisë

Për më shumë informata, për folësit dhe mënyrën e regjistrimit mund të klikoni në këtë link.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP