Një vëzhguese e OSBE-së i nënshtrohet keqtrajtimit seksual në Ukrainën Lindore
Një vëzhguese e Organizatës për Siguri dhe Bashkëpunim e Evropës (OSBE) i është nënshtruar keqtrajtimit seksual nga ana e një mashkulli të armatosur në Ukrainën Lindore.
“Një mashkull i armatosur me armë automatike seksualisht ka keqtrajtuar një grua nga patrulla, duke e frikësuar se do ta pengojë të shkojë në lindje, në qoftë se nuk i plotëson kërkesat e tij”, qëndron në kumtesën e OSBE-së.
Në tekst nuk theksohet se kur ka ndodhur ngjarja, por vetëm se patrulla vëzhguese e ka braktisur zonën dhe është nisur në rrugë tjetër.
Një përfaqësuese anonim e OSBE-së e konfirmoi informatën, duke theksuar se kjo ka ndodhur në territorin nën kontroll të separatistëve.
Rreth 600 vëzhgues të OSBE-së ndjekin se si po zhvillohet respektimi i marrëveshjes për paqe në Ukrainën Lindore.
