Marsh në Vodno për Ditën evropiane të flamurit
Lëvizja evropiane dhe Delegacioni i Bashkimit Evropian në Maqedoni sot organizojnë marsh në Vodno, me rastin e Ditës evropiane të flamurit.
Marshi ka filluar me shkëmbim tradicional të flamujve të Maqedonisë dhe të BEsë, para selisë së Delegacionit të BEsë në Shkup. Përfundon me vendosjen e dy flamujve në Vodno.
Marshi pyjor është pjesë e programit për shënimin e Ditës së Evropës, ndërsa manifestimi, përveç asaj që ka karakter ceremonial, ka për qëllim t’i afirmojë këtë sport dhe aktivitetet rekreative malore.
