Dojçinovski: “Nuk ka anulim të ndeshjeve futbollistike”

Edhe përkundër spekulimeve se në fundjavë mundë të ketë anulim të ndeshjeve futbollistike të Ligës së Parë të Maqedonisë, sipas të gjitha gjasave, një gjë e tillë nuk do të ndodhë, këtë e kanë thënë Komisari për gara i Federatës së Futbollit të Maqedonisë, Vasko Dojçinovki, të cilët kanë bërë edhe tërheqjen e shortit për xhiron e 30-t dhe atë të 31.

Mes tjerash Dojçinovski ka thënë: “Deri më tani të gjitha kushtet janë të plotësuara për tu zhvilluar java e 30-të, pasi klubet kanë pranuar që të organizojnë ndeshjet komformë rregullores, ndërkohë nuk kemi as nga MPB-ja, ndonjë shkresë për të anuluar ndeshjet. Andaj mendoj se gjithçka do të jetë në rregull dhe të gjitha ndeshjet do të zhvillohen pa asnjë problem”.

Xhiroja e 30 do të zhvillohet të dielën, e që derbi i javës do të luhet në Shkup, ku në stadiumin e Çairit takohen dy ekipet shqiptare, Shkupi dhe Shkëndija, ndërkohë një tjetër ndeshje interesante do të luhet në Tetovë, e që Renova në cilësinë e nikoqirit do të pret Rabotniçkin.

Ndërkohë në ligën e dytë, të shtune janë takimet e xhiros së 23-t, ku Vëllazërimi para tifozëve të vet në Kërçovë do të pret skuadrën e parafundit Tikveshin, ndërsa në dy duelet tjera që po ashtu zhvillohen të shtunën do të përballen kampioni aktual dhe tani më anëtari i promovuar i Ligës së Parë, Akademija Pandev kundër Teteksit dhe “Skopje” – Turnova, teksa dy ndeshjet Metallurgu – Negotina dhe Novaci -Euromilku do të luhet të dielën. /Portalb.mk/