Flet edhe Erdogan për ngjarjet në Maqedoni
Presidenti turk Rexhep Taip Erdogan i përshkroi si alarmante ngjarjet në Maqedoni, duke shtuar se dhuna nuk mund të jetë dalje nga cilido problem, kumtoi televizioni privat turk NTV.
“Dëshirojmë që në Maqedoninë miqësore dhe vëllazërore sa më shpejt të arrihet paqe dhe stabilitet”, deklaroi Erdogan në fjalimin e sotëm në Stamboll.
Në deklaratën e veçantë të presidentit të Turqisë shprehet “shqetësim i thellë” për shkak të dhunës në Parlamentin e Maqedonisë dhe nxitet formimi i Qeverisë së re me respektimin e parimeve demokratike.
“Maqedonia ka rëndësi kyçe për vendosjen e paqes së qëndrueshme në Ballkan”, vlerësoi presidenti turk, transmeton BTA.
