Seanca ku VMRO debaton me DPMNE-në e Parlamentit të Maqedonisë, vazhdon të hënën
Seanca konstituive e Kuvendit në rend dite të së cilit janë zgjedhja e Komisionit për çështje të zgjedhjeve dhe emërimeve dhe zgjedhja e kryetarit të Parlamentit do të vazhdojë të hënën.
Pjesa e pasdites e vazhdimit të 16-të të kësaj seance kaloi në replika, kundër replika dhe vërejtje procedurale të deputetëve të lidhura me platformën e Tiranës, dhe se kush dhe pse ka dobi nga kriza politike në vend.
Deputetët e VMRO-DPMNE-së kërkuan nga deputetët e LSDM-së që të heqin dorë nga platforma, ndërsa zgjidhjen e shohin në mbajtjen e zgjedhjeve të reja. Sipas tyre, LSDM-ja duhet të përgjigjet se çka kanë dakorduar me pranimin e platformës së Tiranës.
Deputetët e LSDM-së madje kërkuan që të flitet për pikën e rendit të ditës të seancës. Për ta më e rëndësishme është zhbllokimi i Kuvendit dhe zgjedhja e kryetarit të ri të Kuvendit.
Edhe Zeqirija Ibrahimi nga BESA me vërejtje se në seancë po dëgjohen vetëm ligjërata për salla sporti, për rrugë, për platforma të ndryshme, që gjuha shqipe të bëhet gjuhë zyrtare, për gjenocide dhe për gjëra të tjera të ndryshme, e nuk po flitet për pikën e rendit të ditës – zgjedhjen e Komisionit për çështje të zgjedhjeve dhe emërimeve dhe zgjedhjen e kryetarit të Kuvendit.
LEXO: Çfarë do të ndodhë me PSP-në? Partitë parlamentare paralajmërojnë incitivë të re
Në pajtueshmëri të së dakorduarës, në Komisionin për çështje të zgjedhjeve dhe emërimeve duhet të ketë gjashtë përfaqësues nga VMRO-DPMNE-ja dhe pesë nga LSDM-ja, ndërsa BDI-ja dhe BESA të kenë nga një anëtar.
Seanca konstitutive e Kuvendit filloi më 30 dhjetor të vitit 2016, por u ndërpre për shkak se nuk u sigurua shumicë parlamentare për zgjedhje të kryetarit të dhomës ligjdhënëse.
