Pensionohet Myftiu i Shkupit, Prof. Rexhep ef. Jusufi

Sot, për hirë të pensionimit të Myftiut të Shkupit, Prof. Rexhep ef. Jusufit, Reisul Ulema i BFI-së H. Sulejman ef. Rexhepi, ka shtruar një drekë solemne ku ishin të ftuar të gjithë anëtarët e Rijasetit të BFI-së.

U nënvizua karriera e tij si profesor shumë i dashur dhe tepër parimor në lëndën e Gjuhës Arabe pranë Medresesë “Isa Beu”. Megjithatë, u veçua momenti kur profesori i dashur, në çastet më vendimtare të BFI-së, pas një puçi të dështuar e të ndërmarrur nga armiqtë më të sofistikuar që i ka pasur ndonjë herë ky Institucion, pranoi që ta drejtojë organin më të rëndësishëm të BFI-së, Myftininë e Shkupit, e cila deri në atë moment kishte shërbyer si çerdhe destruktive e puçistëve tashmë të margjinalizuar tërësisht nga shoqëria e mbarë.

Duke i uruar shëndet e suksese në jetë, Kryetari i BFI-së, në shenjë mirënjohje për të gjitha konributet fetare e kombëtare, ish-Myftiut Prof. Rexhep ef. Jusufit i ndau mirënjohje Amblemën e Bashkësisë Fetare Islame në RM, si dhe kompletin e vet gjashtëvëllimëshe me titull “Për fe ddhe atdhe”.

Edhe ish-myftiu, profesor Jusufi, duke i falënderuar përzemërsisht të gjithë kolegët e vet në këtë suprizë të këndshme me rastin e pensionimit të tij, i ka uruar të jenë sa më të suksesshëm në jetë due i lutur në ruajtjen dhe në kalitjen e unitetit fetar, i cili, në çastet vendimtae u dëshmua se është i paprekshëm dhe i pathyeshëm.

Në veçanti ka falënderuar Reisul Ulemanë për besimin, motivimin dhe përkrahjen e parezervë përgjatë karrierës së tij qoftë mbi njëzetvjeçar si profesor i Medresesë Isa Beu, qoftë edhe si Myfti i Myftinisë së Shkupit.

Të gjithë të punësuarit në BFI, kolegët dhe mbarë teologët e vendit, Profesor Rexhep Jusufit i dëshirojnë pensionim të mbarë dhe jetë të shëndetshme.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP