Hulumtim: Korrupsioni në Maqedoni dhe Ballkan nuk do të çrrënjoset me ligje të reja

Instituti për Demokraci dhe Zhvillimi “Societas Civilis” si pjesë e konzoriumit të univeriteteve dhe organizatave të udhëhequra nga Universiteti “Kolegji i Londrës” ka zbatuar hulumtim shkencor ndërkombëtar që ka përfshirë pesë sfera. Në sferën e politikës ka ardhur në përfundim se fuqizimi i legjislativit dhe zbatimi në masë të madhe të tij nuk do të jetë i mjaftueshëm kundrejt shkallës së korrupsionit aktual në Maqedoni dhe në shtetet tjera të Ballkanit Perëndimor, njofton Portalb.mk.

“Në sferën politike rezultatet e hulumtimin tregojnë se fuqizimi i legjislativit dhe rritja e zbatimit të tij kundrejt korrupsionit nuk do të jenë masa të mjaftueshme. Përqendrimi i fuqisë ekonomike nga duart e partive politike u mundëson që të rriten si prioritet i lojalitetit, lidhjeve dhe informimit para sjelljes së vendimeve për çështje të rëndësishme. Në një farë mase, praktikat klientaliste mund të përshkruhen se janë të trashëguara nga sistemi njëpartiak i mëhershëm por me dallim të rëndësishëm se në sistemin shumëpartiak hapen më shumë rrugë për privatizim të të mirave publike. Këto rrugë paraqiten si konkurrente ndaj njëra-tjetrës”, thuhet në raportin e IDSCS-së.

Në sferën e “takimit e liderëve” IDSCS potencon momentet në të cilat kur për çështjet e mëdha konfliktuoze partitë politike iu kanë ikur marrjes së vendimeve nëpërmjet institucioneve legale dhe kanë arritur kompromise nëpërmjet marrëveshjeve private të cilat në të shumtën e rasteve merren në restorante”.

Sipas IDSCS-së “kjo praktikë joformale shpesh ka qenë e nxitur edhe nga diplomatët e BE-së dhe SHBA-së për të arritur përfitime në afat të shkurt kohor për zgjedhjen e ndonjë problemi duke mënjanuar institucionet formale të formuara për të siguruar debat dhe pjesëmarrje të opinionit”.

Fokusi kryesor i këtij hulumtimi “INFORM: Zvogëlimi i hendekut ndërmjet institucioneve formale dhe joformale të Ballkanit Perëndimor” është interaksioni ndërmjet institucioneve formale të cilët në të shumtën e rasteve kanë qenë të ekspozuara ndaj ndryshimeve si pjesë e procesit të integrimit të Bashkimit Evropian dhe institucioneve joformale në procesin e institucionalizimit të rregullave dhe rregullativës së BE-së në shoqërinë e Ballkanit Perëndimor.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP