PL: Çdo ditë e humbur në vënien në funksion të institucioneve, rrit rrezikun për Maqedoninë

 

“Përpjekjet legjitime të shumicës parlamentare për konstituim sa më të shpejtë të organeve shtetërore siç është zgjedhja e kryetarit të Kuvendit dhe Qeverisë është në ngecje dhe se kjo rrit rrezikun në shtet” kështu vlerësojnë nga komiteti ekzekutiv i Partisë Liberale (PL) në lidhje me zhvillimet e fundit të situatës politike në Maqedoni, njofton Portalb.mk.

Për këtë nga kjo parti apelojnë deri te “partitë e shumicës parlamentare që ta shqyrtojnë mirë situatën dhe me përkrahjen e miqve tanë dhe faktorit ndërkombëtar të kalojnë në zgjedhjen e kryetarit të Kuvendit dhe formim të Qeverisë”.

Sipas Partisë Liberale kjo zvarritje e zgjedhjes së kryetarit të Kuvendit dhe formimit të Qeverisë do të rrisë guximin e atyre që janë kundër formimit të Qeverisë së Maqedonisë.

“Zvarritja e këtyre hapave do të rrisë guximin e atyre të cilët janë kundër konstituimit të Qeverisë së Maqedonisë dhe për këtë nuk duhet të pritet”, thuhet në kumtesën e PL-së.

Ata përkrahin përpjekjen e faktorit ndërkombëtar që të ndihmojë në zgjedhjen e krizës politike dhe formim sa më të shpejtë të Qeverisë ndërsa i bëjnë thirrje faktorit vendas që të ndërmerr masa aktive për të manifestuar pakënaqësinë e situatës dhe t’i japin përkrahje shumicës së formuar parlamentare.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI MOBIL