Kuvend, Sela: Gjenocidi ndërlidhet me pushtetin aktual dhe ai duhet të rrëzohet
Zijadin Sela nga Aleanca për Shqiptarët, duke reaguar në mënyrë procedurale theksoi se, dëshiron të pastrojë një, siç tha, manipulim, që shumë ditë përhapet në Kuvend, e ajo është se planifikohet që populli i Maqedonisë të shpallet për popull gjenocid.
“Gaboheni, nuk janë popujt gjenocid. Nëse nuk e keni ditur, do t’ju shpjegoj sërish. Qytetari i zakonshëm nuk është fare fajtor për diçka që është bërë, respektivisht për diçka që regjime të caktuara në periudha të caktuara e kanë bërë”, theksoi Sela.
Nuk bëhet fjalë, shtoi ai, për gjykim të gjenocidit që e ka bërë populli, por, siç tha, regjime shumë të ngjashme të aktuales, i cili duhet të bjerë dhe të bartë përgjegjësi për sjelljen e tij.
Duke reaguar gjithashtu në mënyrë procedurale të qëndrimeve të parashtruara të Selës, Ilija Dimovski nga VMRO-DPMNE theksoi se nëse dikush luan me ndjenjat e qytetarëve, atëherë kjo është kur ai deklaron se nuk kanë ekzistuar maqedonasit para 100 vjetëve, por edhe ata nga LSDM-ja, sepse, siç tha deputetët nga partia e tij janë kyç për shumicën parlamentare dhe asnjëherë nuk e kanë dënuar deklaratën e këtillë.
Edhe vazhdimi i sotëm i 14-të nga debati kaloi me replika, kundër replika nga deputetët. VMRO-DPMNE kërkoi që LSDM të heqë dorë nga Platforma e Tiranës, e cila ka qenë tema kryesore edhe sot, si dhe të organizohen zgjedhje të shpejta për dalje nga kriza aktuale.
