Ndrio Karameti do ta promovojë librin “MAQEDONIA viti 1: Media dhe gjeopolitika e një konflikti etnik”

Profesoresha universitare, Aurora Ndrio Karameti, nesër në ora 11:00 në Qendrën Informative Kulturore (QIK) në Shkup, e promovon librin me titull “MAQEDONIA viti 1: Media dhe gjeopolitika e një konflikti etnik”, njofton Portalb.mk.

“Ky libër ka dalë nga shtypi prej disa muajsh. Puna për të ka nisur që në vitin 2005; në fakt përmbajtja e tij është pjesa më e madhe e tezës sime të doktoratit në Universitetin e Sorbonës në Paris. Thëne shumë shkurt, teza vërteton se në qoftë se media ndërkombëtare nuk do të kishte trajtuar aktualitetin në Maqedoni ashtu siç e bëri, dhe konflikti do kish zgjatur deri në kohën e sulmeve të 11 shtatorit në SHBA, qeveria maqedonase e asaj kohe do ia kish dalë të fuste ushtrinë guerile shqiptare në kuadrin e ri të luftës kundër terrorizmit në botë”, thotë Ndrio Karameti.

Ajo shton gjithashtu se, në libër trajton shumë aspekte të jetës së shqiptarëve në Maqedoni, “sigurisht shkruar për nje lexues qe i njeh pak dhe duhet t’i njohë më mirë për të kuptuar sa e komplikuar është jeta e tyre këtu”.

“Në të vërtetë nuk e kisha me nxitim këtë ngjarje sepse libri flet për të shkuarën e Maqedonisë, për vitin 1 të këtij shekulli të ri dhe për rolin e medias ndërkombëtare dhe shqiptare ne konfliktin e armatosur te atij viti dhe influencat reciproke me gjeopolitikën, prandaj po prisja një kohë me pak të ngarkuar për t’u marrë me të. Por, ja, në Maqedoni, problematika e librit tim u bë aktualitet edhe njëherë, pas 15 vjetësh”, shton autorja.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP