Portieri i Dortmundit: Akoma nuk mund të fle i qetë

Portieri i Borusia Dortmundit, Roman Buerki, deklaroi se akoma nuk mund të fle i qetë si pasojë e sulmit mbi autobusin e klubit ditë më parë, para ndeshjes në Ligën e Kampionëve kundër Monakos, transmeton Anadolu Agency (AA).

Sulmi ndodhi të mërkurën e kaluar, ndërsa Buerki kishte qenë ulur pranë Marko Bartrës, të vetmin lojtar të lënduar kur ndodhën tre shpërthime.

Loja më vonë u anulua për ditën e ardhshme. “Akoma kam probleme me gjumin. Kjo është më e keqja, sepse nuk mund të fle natën. Kur zgjohem, ndjehem i lumtur që jam në shtëpi, në shtratin tim”, tha Buerki për gazetën zvicerane Der Bund.

Zvicerani që mban të veshur fanellën e Dortmundit ka theksuar se ai nuk mundi të përqendrohet gjatë lojës së nesërme të cilën e humbën 2:3. “Shumë vonë e kam vënë re se çfarë po ndodh në fushë, sikur fytyra ime të ketë qenë e mbuluar me një vello”, tha ai.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP