Nis takimi me Ramën, Meta: Marrëveshja me PS nis nga vota e lirë
Pak para se të takohej me kryeministri Rama për të diskutuar mbi vijimësinë e koalicionit qeverisës edhe për 4 vitet e ardhshme, kreu i LSI, Ilir Meta tha se marrëveshja e vjetër është akoma në fuqi më Partinë Socialiste, njofton gazetashqip, përcjell Portalb.mk.
Meta tha se ka marrë zotimin për garantimin e votës së lirë.
“Marrëveshja e vjetër është ende në fuqi dhe ajo ka angazhimin madhor të aleancës për të garantuar votën e lirë,- tha kreu i LSI. – Angazhimi është total dhe kryesore është garantimi i paprekshmërisë së votës së lirë. Për mua konsensui është kryesor”, – u shpreh Meta.
Pak pas deklaratës së Metës, në Hotel Tirana ka mbërritur kryeministri Rama dhe mësohet se dy liderët e koalicionit kanë nisur takimin pa praninë e medieve.
Më herët, Meta ka pritur në një takim kreun e PDIU-së, Shpëtim Idrizin. Sipas burimeve të kuvendit, temë e diskutimit ka qenë situata politike në vend.
Mësohet se palët kanë diskutuar në lidhje me zgjidhjen e krizës politike, ku kreu i LSI-së, Ilir Meta po zhvillon takime në kuadër të zgjidhjes ndaj zgjedhjeve parlamentare dhe atë të Presidentit.
