Timonie: Nëse nuk zgjidhet sa më shpejtë kriza politike, çmimi për Maqedoninë do të jetë i lartë

Për dalje nga kriza politika nevojitet që interesi i përgjithshëm të vijë në plan të parë tek partitë politike, atëherë mund të gjendet kompromis. Maqedonasit çdoherë kanë arritur të dalin nga gjendje të këtilla ekstreme dhe atë me maturi sepse kanë afinitet për jetë të përbashkët e cila paraqet resurs të vërtetë, thotë ambasadori i Francës në Maqedoni, Kristian Timonie në intervistën për MIA-n.

Është i bindur se ekziston kapacitet për arritje të kompromisit dhe për zhbllokim të proceseve demokratike në vend.

“Maqedonia ka demokraci tashmë 25 vite, por gjithashtu edhe kulturë të përditshme të kompromisit e cila u mundësoi bashkësive të ndryshme të jetojnë së bashku me shekuj dhe të krijojnë atë që sot ka kuptimin e realitetit në Maqedoni. Kështu që nuk shoh përse ai kapacitet i kompromisit nuk do të mund të shfrytëzohej edhe tani nëse ekziston vullnet i mirë, e jo vetëm interesa të posaçme personale. Nuk e di përse e tërë ajo përvojë të mos shfrytëzohet tani për t’u gjetur kompromise të cilat do të mund të funksionojnë”, thekson Timonie.

Sipas tij, nëse mbetet status kuo në krizën politike, çmimi për vendin do të jetë i lartë, sepse, thotë, sa më shumë të humbet kohë në rrugën drejt Evropës për shkak të numrit të madh të reformave teknike të cilat duhet të zbatohen, aq më gjatë do të shkojë për t’u kompensuar koha e humbur, e ajo është, thotë, me rëndësi esenciale.

“Realiteti është se vende të tjera të rajonit po shkojnë përpara edhe krahas vështirësive me të cilat përballen, ndoshta vështirësitë e njëjta si tuajat, por ata i tejkalojnë dhe dëmi është se Maqedonia, e cila ishte më përparuesja, tani të vonojë. Ajo ndoshta nuk është “fajtorja” kryesore sepse ekziston çështja për emrin e cila nuk paraqet vështirësi reale dhe e cila nuk i ndihmoi kulturës politike të bëhet e pjekur. mendoj se duhet të jemi të drejtë ndaj Maqedonisë rreth asaj pike, por se nuk duhet të jetë shkak që vetë ajo të paraqitet si viktimë dhe të mos bëjë asgjë për t’u shpëtuar, sepse një viktimë ndoshta duhet të bëjë dyfish përpjekje për të mos qenë viktimë. Historia nuk është çdoherë e drejtë, por megjithatë ne historinë e kemi në duart tona”, thekson ambasadori francez.

Vazhdimi i krizës politike, Timonie vlerëson se do të reflektohet edhe në rekomandimin e kushtëzuar për fillim të negociatave me BE-në.

“Bëhet fjalë për punë shumë të rëndësishme. Dosja për të cilën do të bisedohet gjatë vitit, nëse është dosje me Maqedoninë e cila ka arritur ta tejkalojë këtë krizë, kjo do të jetë shenjë e mirë se vendi është i fuqishëm, se është i aftë për kompromise, i aftë ta ndjekë Kushtetutën e vet që ndoshta është me të vërtetë kusht minimal. Nga ana tjetër do të dëshmojë se është shtet, sepse ne në BE integrojmë shtete, ndërkaq tani jemi në gjendje ku nuk ka qeveri, ka Kuvend i cili pothuajse ende nuk është në funksion, komunat tuaja po humbin gjithnjë e më tepër legjitimitetin e tyre dhe mbetet edhe presidenti i vendit, i cili edhe vetë gjatë emërimit të tij nuk e mori mbështetjen e plotë nga të gjitha bashkësitë. Është shumë rrallë që një shtet të gjendet në situatë të tillë e cila është specifike”, thotë ambasadori i Francës në Maqedoni, Kristian Timonie.