Vdiq portieri Milloshevski
Drejtori i reprezentacionit të Maqedonisë në futboll Petar Miloshevski ka humbur jetën në një aksident që ka ndodhur mbrëmë vonë në autostradën Kumanovë-Shkup.
Në këtë aksident ka pësuar edhe kryetari i Federatës së Fudbollit të Maqedonisë Ilço Gjorgjievski dhe dy persona të tjerë të punësuar në federatën e futbollit.
Ata kanë qenë duke u kthyer nga Kumanova ku është zhvilluar një ndeshje humanitare futbolli. Sipas informatave të para aksidenti ka ndodhur në hyrje të Shkupit.
Milloshevski ishte ish-portier i kombëtares së Maqedonisë dhe disa klubeve të njohura si Trabzonspor, Malatiyaspor, Sebatspor, Enozis ndërsa ka mbrojtur edhe për ekipet vendore Pelisteri dhe Vardari.