Pastrues i ajrit “City tree” vendoset në qendër të Shkupit

 Instalimi “City tree”, bilbord i gjelbër, qëllimi i të cilit është pastrimi i ajrit, është promovuar sot në qendër të Shkupit. Bëhet fjalë për filtër bimor, i cili e kompenson ndotjen nga 417 automobila në nivel vjetor, mund të adaptohet në çdo mjedis dhe ka efekt si 275 drunj, por nuk i zëvendëson.

Projektin për klimë dhe mbrojtje të ndryshimeve klimatike “City tree” sot në Shkup e promovuan OJQ Ekovetëdije dhe Ambasada gjermane. Instalim i tillë dje u promovua edhe në Tetovë.

Në promovim u drejtua edhe ambasadorja gjermane Kristine Althauzer, e cila tha se ajër i mirë, ujë i mirë dhe mjedis jetësor i paprishur janë të mirat të cilat janë të rëndësishme si në Oslo ku është vendosur instalim i tillë, ashtu edhe në Shkup, Tetovë dhe Manastir.

Sekretari i Qytetit të Shkupit, Marjanço Todorovski u falënderua për donacionin dhe tha se ky projekt inovativ e rendit qytetin e Shkupit në radhën e metropoleve ku veç më është zbatuar ky koncept.

Shfaqi shpresë se ndikimi kryesor i bilbordit do të jetë ngritja e vetëdijes së qytetarëve nga aspekti i asaj se sa është i rëndësishëm mjedisi jetësor nga aspekti i rrezikut të madh i cili vjen nga ndryshimet klimatike dhe si secili mund të përfshihet në tejkalimin e atyre problemeve dhe të krijohet mjedis më i mirë jetësor.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP