Erdogan: Evropa e sotme “fashiste e ashpër” i ngjan kohës para Luftës së Dytë Botërore
Presidenti turk, Rexhep Taip Erdogan deklaroi sot se Evropa e sotme “fashiste, e ashpër” i ngjan kohës para Luftës së Dytë Botërore.
Ai theksoi se do t’i shqyrtojë marrëdhëniet me Evropën pas referendumit më 16 prill dhe atëherë do të ndodh ajo që është e domosdoshme.
Erdogan e porositi Evropën “që t’i shohë punët e saj” lidhur me komentet për gjendjen e jashtëzakonshme në Turqi.
Ai theksoi se nuk do të lejojë asnjë evropian të veprojë si agjent në Turqi.
Erdogan theksoi se Evropa më nuk mund t’i kanoset Turqisë me procesin e anëtarësimit dhe me marrëveshjen për emigrantët, duke theksuar se kjo periudhë ka përfunduar.
Presidenti turk theksoi se lidhur me BE-në do të lind një Turqi më ndryshe pas referendumit më 16 prill, në të cilin qytetarët do të votojnë për çështjen për vendosjen e sistemit presidencial.
