MASH i ndau 4 milionë denarë FSHI-së

Sot, ministri i Arsimit dhe Shkencës, Pishtar Lutfiu, bashkë me përfaqësues të Ministrisë së Arsimit dhe Shkencës, realizuan vizitë zyrtare në Fakultetin e Shkencave Islame.

Delegacioni nga MASH-i u mirëprit nga Kryetari i BFI-së, Reisul-Ulema H.Sulejman ef.Rexhepi  dhe dekani i Fakultetit të Shkencave Islame, Faredin Ebibi.

“Ministri Lutfiu uroi Kryetarin e BFI-së dhe Dekanin e FSHI-së për marrjen e lejes për punë nga ana e Ministrisë së Arsimit dhe Shkencës, për ciklin e dytë të programit studimor për FSHI, për vitin akademik 2017/2018. Gjithashtu nga ana e MASH-it janë siguruar 4 milionë denarë për veprimtarinë arsimoro-shkencore të FSHI-së. Në këtë takim u bisedua edhe për tejkalimin e sfidave të FSHI në drejtim të krijimit të kuadrit sa më cilësor, konkurent në lëminë që zhvillon ky institucion i arsimit të lartë. Gjatë vizitës së realizuar,Kryetari i BFI-së falenderoi ministrin Lutfiu për mbështetjen e dhënë nga ana e Ministrisë së Arsimi dhe Shkencës për këtë institucion fetar”, kumtojnë nga MASH.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP