Policia financiare hulumton se cilat OJQ marrin para nga USAID-i
“Tri ditët e fundit policia financiare ka përforcuar kontrolle ndaj organizatave joqeveritare me qëllim që të kuptojnë se kush merr para nga USAID-i”, kështu bënë të ditur Fani Karanfillova Panovska nga “Fondacioni për Shoqëri të Hapur”dhe Bojan Mariçiq nga “Evrothink” gjatë një ngjarje që u mbajt sot në infoqendrën e Bashkimit Evropian në Shkup, njofton Portalb.mk.
Siç njoftoi Panovska për të tejkaluar këtë gjendje “është e nevojshme formim i shpejtë i Qeverisë së re, sepse sipas saj kjo është një arsye e trysnive të deritanishme të bëra nga institucionet e deritanishme të cilët nuk janë nën kontroll të askujt”.
Ndërsa Mariçiq tha se “inspektorët financiar në OJQ “Evrothink” kanë ardhur pas prezencës së tij në emisionin Tema më 6 mars, kurse inspektimi është bërë më 7 mars”.
Karanfillova njoftoi se policia financiare për momentin është duke verifikuar punën e 13 OJQ-ve.
